音樂旅情｜張偉文意外跌倒信命運但唔氣餒 「我嘅勇敢唔係製造出嚟」

被封「靚聲王」的68歲實力派歌手張偉文，近年受糖尿病和頸椎等問題困擾，去年更在酒店意外跌倒，早前又在街上被發現身形暴瘦，尤其是一對「筷子腳」最為矚目，情況令外界大為關注。張偉文在好友歌手方俊細心照顧之下，體重已回升至200多磅，這日他精神飽滿接受《音樂旅情》楊紹鴻訪問，席間獻唱首本名曲《離別的叮嚀》，差不多回復最佳狀態，粉絲們可以不用擔心。

{{hket:inline-image name="12132004.jpg"}}{{/hket:inline-image}}

{{hket:inline-image name="12132007.jpg"}}{{/hket:inline-image}}

同場加映：十月初五的月光｜ 姚嘉妮恨見「萬朱莎華」陳曼娜 擔心角色太衰 擬去泰國避風頭

{{hket:ul-video id="4873"}}{{/hket:ul-video}}

張偉文被問到去年在酒店意外跌倒受傷，他說：「我跌親覺得係我命運，我嘅勇敢唔係製造出嚟，唔面對都唔得，必需要過呢一關。（獲好多朋友支持？）係，我自己想唱都未必有。」回憶昔日出唱片的年代，有想過自己會走紅？他表示：「成日同其他歌星講，我唱？紅先怪。其他同事就問點解咁講，我就答唔知，點睇自己都覺得核突，叫我做其他歌手嗰啲表情，未必做得到，係覺得打冷震。同事就話唔好咁講，有把好好聽嘅聲係可以發展到，得到佢哋睇好，畀我好多鼓勵，因此成就咗我出唱片嘅階段，多謝佢哋。（為何轉做和音？）因為唔使好高條件，又多啲嘢做。香港出個人專輯有好多估唔到嘅事，唱一唱嘅費用唔少，你肯唔肯搏？又未必搏到，有可能無人投資你出碟，要自己出錢。我啲觀眾未必識聽我唱其他歌，要我攞晒錢出嚟投資先有得做。（和音曾做足全年？）我聽話，呢個好緊要，你太多意見就玩完。」

輪椅代步│「靚聲王」張偉文年底回歸舞台 體重回升100磅：開騷唔做廢人【下一頁】

至於是否當年工作太忙捱壞身體？他自己不太認同：「又唔算，但做得好開心，只係咁攰想工作量唔好咁多，照樣唱但想少啲。不過好多嘢會有得失，有得做時就做好啲……喺呢行唔好話自己大成就，有好多人認可就好開心。（被封「和音天王」頭三位？）唔知點解佢哋鍾意改呢啲名，其實係好畀面，有時覺得誇張咗……梗係唔可以走晒音，唱到首歌爛晒，要有咁好做咁好，人哋先記得你。（對「靚聲天王」又有何睇法？）呢個太畀面，其實我都有好多缺點，唔係十全十美，唔係我謙虛。」

（↓點擊放大睇圖片↓）

問意外受傷有否打沉人生？張偉文話：「有人話畀我聽小心，你可能隨時無得撈，有聽過呢啲警告。跌親係驚有啲影響，因為唱歌要用氣，要運用丹田，又要保持把聲柔順，係驚影響工作。（粉絲接受台上坐低獻唱？）即係話我懶？哈哈哈，我都有跳過。（之後會繼續唱歌？）會，因為每一次唱歌先感覺到佢哋存在，係好貼心，第二啲工作都無咁大興致，有得唱歌一定唔會氣餒。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】